وسع صدرك

السارق و"عَبود" بتاع الأحلام 😅

في يوم من الأيام، حرامي دخل بيت ست عجوز، بس يا دوب ما دخل... لقى الست صاحية! 😳

ففهمت الست على طول إنه حرامي 😱

لكن بدل ما تخاف، قالت له بكل هدوء:

"يا ابني... شكلك ابن ناس ومحترم، باين عليك الظروف هي اللي ضيّقت بيك وخَلَّتك تعمل كده 😔
اسمع بقى... عندي فلوس وذهب ومجوهرات، خدهم كلهم، وربنا يباركلك فيهم ويزيدك كمان!"

 لكن امانه عليك قبل ماتمشي انا كنت احلم وقمت من النوم مفزوعه وعايزة تفسر لي الحلم ..

الحرامي اتصدم وقال في نفسه:

"الست دي شكلها خَرِفِت ولا إيه؟! 🤨 

بس ماشي... نسمع منها الحلم ده اللي بتحكي عنه."

قالت له:

"بص يا حبيبي، أنا كنت نايمة، وحلمت حلم غريب وصحيت مفزوعة 😰

 

كنت ماشية على حافة نهر، وفجأة رجلي اتزحلقت على صخرة، وكنت هاقع في الميّه

 

فصرخت بأعلى صوتي وقلت:
الحقني يا عبوووود!
الحقني يا عبووووووووود!
تعال يا عبووووووود!" 😩

 

الحرامي قال لها مستغرب:

"عبود مين يا ستّي؟ 🤔"

 

وقبل ما يكمل كلامه... فجأة عبّود نَزَل عليه من الدور التاني زي الصاروخ 💥💪

ومَسَك الحرامي ونزّل فيه ضرب! 👊🥊

والست تصرخ:

"بس يا عبود! كفاية يا ابني، حرام عليك، ده هيموّت في إيدك!! 😱"

 

الحرامي وهو بيتضرب بيصرخ ويقول:

"اضرب يا عبود! اضرب!
أنا اللي استاهل!
جاي أسرق ولا أفسّر أحلام؟!!" 😂😂😂